දෙවැනි අදියර යටතේ වෘත්තීය පුහුණු අධිකාරියට නව ස්ථිර පත්වීම් 163ක්

ශ්‍රී ලංකා වෘත්තීය පුහුණු අධිකාරියට නව ස්ථිර පත්වීම් 163ක් ප්‍රදානය කිරීමේ උත්සවය පසුගිය 20 වැනිදා පියසේන ගමගේ ශ්‍රවණාගාරයේදී පැවැත්විණි. මෙහිදී පුහුණු නිලධාරීන්, ජ්‍යෙෂ්ඨ උපදේශකවරුන් සහ උපදේශකවරුන් සඳහා පත්වීම් ප්‍රදානය කෙරිණි.

මෙම අවස්ථාවට වෘත්තීය අධ්‍යාපන නියෝජ්‍ය අමාත්‍ය ගරු නලින් හේවගේ මැතිතුමා ඇතුළු අමාත්‍යාංශයේ සහ ශ්‍රී ලංකා වෘත්තීය පුහුණු අධිකාරියේ ජ්‍යෙෂ්ඨ නිලධාරීන් සහ අධ්‍යක්ෂ මණ්ඩල සාමාජිකයන් සහභාගි වූහ.

මෙම නව පත්වීම් මඟින් වෘත්තීය පුහුණු ක්ෂේත්‍රයේ ගුණාත්මකභාවය තවදුරටත් ඉහළ නංවා, දිවයින පුරා තරුණ තරුණියන්ට වඩාත් කාර්යක්ෂම හා ගුණාත්මක වෘත්තීය පුහුණුවක් ලබාදීම සඳහා අධිකාරියේ මානව සම්පත් තවදුරටත් ශක්තිමත් වනු ඇත.